Selfyssingar eru úr leik í bikarkeppni karla í handbolta eftir tap gegn Valsmönnum í Set-höllinni Iðu á Selfossi í kvöld.
Valur hafði undirtökin allan fyrri hálfleikinn en staðan í leikhléi var 11-17. Selfyssingar náðu að minnka muninn í 5 mörk í seinni hálfleik en þá bættu Valsmenn aftur í og sigruðu að lokum með níu marka mun, 28-37.
Anton Breki Hjaltason var markahæstur Selfyssinga með 7 mörk, Hannes Höskuldsson skoraði 4, Hákon Garri Gestsson 4/1, Guðjón Baldur Ómarsson og Haukur Páll Hallgrímsson 3, Álvaro Mallols 2 og þeir Tryggvi Sigurberg Traustason, Valdimar Örn Ingvarsson, Ragnar Hilmarsson, Jason Dagur Þórisson og Skarphéðinn Steinn Sveinsson skoruðu allir 1 mark.
Alexander Hrafnkelsson varði 11 skot í marki Selfoss og var með 25% markvörslu og Ísak Kristinn Jónsson varði 1 skot og var með 20% markvörslu.