Fyrstudeildarlið Selfoss er úr leik í bikarkeppni kvenna í knattspyrnu eftir stórt tap gegn Bestu deildar liði FH á Selfossvelli í 16-liða úrslitunum í kvöld.
FH hafði vind í seglin á upphafsmínútunum og staðan var orðin 0-2 eftir sjö mínútna leik. FH bætti þriðja markinu við á 16. mínútu og staðan var 0-3 í hálfleik.
Gestirnir höfðu gott tak á Selfyssingum í seinni hálfleiknum, þær skoruðu tvívegis á fyrstu tuttugu mínútunum en í stöðunni 0-5 fékk Ásdís Erla Helgadóttir besta færi Selfoss en boltinn fór í þverslána.
FH bætti tveimur mörkum við á síðasta korterinu og lokatölur urðu 0-7.