Kvennalið Selfoss í knattspyrnu tryggði sér sæti í 1. deildinni á næsta keppnistímabili eftir stórsigur á Völsungi á Húsavík í dag.
Sara Rún Auðunsdóttir skoraði eina mark fyrri hálfleiks og staðan var 0-1 í hálfleik.
Seinni hálfleikurinn hófst með látum, Guðmunda Brynja Óladóttir skoraði úr upphafsspyrnunni og staðan orðin 2-0. Guðmunda var ekki hætt, hún skoraði þrennu í seinni hálfleiknum og Björgey Njála Andreudóttir bætti við einu marki til, lokatölur 0-5.
Selfoss er með 40 stig á toppi 2. deildarinnar, sæti í 1. deildinni tryggt og deildarmeistaratitillinn í seilingarfjarlægð þegar þrjár umferðir eru eftir af úrslitakeppninni.