Selfoss mætti Stjörnunni/KFG í bikarúrslitaleik 12. flokks karla í körfubolta í Smáranum í Kópavogi í gærkvöldi. Garðbæingar reyndust sterkari og sigruðu 109-91 svo að silfurverðlaunin komu í hlut Selfyssinga.
Stjarnan/KFG byrjaði betur í leiknum og leiddi með tíu stiga mun að loknum 1. leikhluta, 28-18. Staðan í hálfleik var 57-42. Stjörnumenn gerðu svo endanlega út um leikinn í 3. leikhluta en í upphafi þess fjórða var staðan orðin 87-65. Selfyssingar voru ekki langt undan á lokakaflanum en náðu ekki að brúa bilið og ógna sigri Stjörnunnar/KFG.
Pétur Hartmann Jónsson var stigahæstur Selfyssinga með 19 stig og Alex Rúnarsson var framlagshæstur með 17 stig og 4 fráköst.
Stjarnan/KFG – Selfoss 109-91 (28-18, 29-24, 28-23, 24-26)
Tölfræði Selfoss: Pétur Hartmann Jóhannsson 19/5 fráköst, Alex Rúnarsson 17/4 fráköst, Fjölnir Morthens 14/6 fráköst/6 stoðsendingar, Halldór Benjamín Halldórsson 13/10 fráköst/8 stoðsendingar, Jóhannes Haukur Kristjönuson 12/5 fráköst, Hafþór Gylfason 9/4 fráköst, Kolbeinn Óli Lárusson 3, Ásgeir Örn Sverrisson 2, Kormákur Hjalti Benediktsson 2.