Karlalið Selfoss tók á móti Víkingum í hörkuleik á Ragnarsmótinu í handbolta í Set-höllinni í kvöld. Lokakaflinn var spennandi en Selfoss vann eins marks sigur.
Það var jafnt á öllum tölum fyrstu tuttugu mínúturnar, upp í 8-8, en þá náðu Selfyssingar að slíta sig frá gestunum og staðan var 17-11 í hálfleik.
Selfoss leiddi allan seinni hálfleikinn en þegar leið á leikinn nálguðust Víkingar hratt og þeir náðu að minnka muninn í eitt mark þegar rúm mínúta var eftir. Selfyssingar héldu hins vegar haus og sigruðu lokum 30-29.
Valdimar Örn Ingvarsson var markahæstur Selfyssinga með 6 mörk, Tryggvi Sigurberg Traustason skoraði 4, Álvaro Mallols, Anton Breki Hjaltason og Jónas Karl Gunnlaugsson 3, Elvar Elí Hallgrímsson, Guðjón Baldur Ómarsson og Sveinn Ísak Hauksson 2 og þeri Arnar Daði Brynjarsson, Árni Ísleifsson, Jason Dagur Þórisson, Ragnar Hilmarsson, Þorleifur Tryggvi Ólafsson og Aron Leo Guðmundsson skoruðu 1 mark hver.
Alexander Hrafnkelsson varði 14 skot í marki Selfoss.