Kvennalið Selfoss heimsótti Aþenu í Austurberg í Breiðholti í 1. deild kvenna í körfubolta í kvöld. Heimakonur reyndust mun sterkari og sigruðu 97-60.
Aþena byggði forskotið upp jafnt og þétt og hafði yfirhöndina nær allan leikinn. Staðan var 47-28 í hálfleik og munurinn jókst svo um átján stig til viðbótar í 3. leikhluta en Selfyssingar héldu í horfinu í 4. leikhluta.
Jessica Tomasetti var stigahæst Selfyssinga með 15 stig og 10 fráköst og Valdís Una Guðmannsdóttir skoraði 10 stig.
Selfoss er í 4. sæti deildarinnar með 18 stig en Aþena í toppsætinu með 28 stig.
Aþena-Selfoss 97-60 (22-17, 25-11, 28-10, 22-22)
Tölfræði Selfoss: Jessica Tomasetti 15/10 fráköst, Valdís Una Guðmannsdóttir 10/5 fráköst, Vilborg Óttarsdóttir 9, Þóra Auðunsdóttir 7/4 fráköst, Heiður Hallgrímsdóttir 6/6 fráköst, Gígja Marín Þorsteinsdóttir 6/4 fráköst, Sigríður Svanhvít Magnúsdóttir 4, Anna Katrín Víðisdóttir 3.