Selfoss slapp fyrir horn þegar liðið mætti KV í 1. deild kvenna í körfubolta í kvöld þegar liðin mættust í Vesturbæ Reykjavíkur. Lokatölur urðu 56-65.
Selfoss var sterkari aðilinn í fyrri hálfleik og staðan var 27-41 í hálfleik. Selfoss jók muninn enn frekar í 3. leikhluta og undir lok hans var staðan orðin 39-61.
Þá fór allt í skrúfuna hjá Selfyssingum, liðið skoraði aðeins fjögur stig af vítalínunni á síðustu á síðustu rúmu 10 mínútunum. Það kom ekki að sök, forskotið var of mikið til þess að KV næði að brúa bilið en að lokum skildu 9 stig liðin að.
Jessica Tomasetti var best á vellinum í kvöld, hún skoraði 20 stig og tók 17 fráköst.
Selfoss er áfram í 4. sæti deildarinnar, nú með 20 stig, en KV er í 9. sæti með 4 stig.
KV-Selfoss 56-65 (10-21, 17-20, 15-20, 14-4)
Tölfræði Selfoss: Jessica Tomasetti 20/17 fráköst, Anna Katrín Víðisdóttir 10, Mathilde Sorensen 10, Gígja Marín Þorsteinsdóttir 9/6 fráköst, Heiður Hallgrímsdóttir 7/8 fráköst, Perla María Karlsdóttir 4, Valdís Una Guðmannsdóttir 3, Þóra Auðunsdóttir 2.