Knattspyrnudeild Selfoss hefur samið við króatíska markmanninn Filip Sabatti um að leika með liðinu út leiktíðina.
Benjamín Jónsson, sem staðið hefur á milli stanganna hjá Selfyssingum í sumar, er á leið í skóla í Bandaríkjunum.
Sabatti er fæddur árið 2002. Síðastliðin ár hefur hann dvalið í Bandaríkjunum og spilað í ameríska háskólaboltanum. Hann spilaði síðast með Memphis Tigers en hann varð til að mynda meistari með liðinu árið 2024. Þá hefur hann tvisvar sinnum verið valinn markvörður ársins í deildinni.
Sabatti lenti á Íslandi í gærkvöldi og mætti á sína fyrstu æfingu með meistaraflokki karla í dag.