Selfoss og Þór Þ unnu góða sigra í 1. deild kvenna í körfubolta í kvöld. Selfoss tók á móti Skallagrím en Þór heimsótti ungmennalið Hauka.
Selfoss hafði frumkvæðið stærstan hluta leiksins gegn Skallagrími en staðan var 44-32 í hálfleik. Borgnesingar söxuðu á forskotið í 3. leikhluta en Selfoss afgreiddi fjórða leikhluta af krafti og vann öruggan sigur, 93-71. Kennedi Watkins var stigahæst Selfyssinga með 19 stig og 7 fráköst en liðið fékk gott framlag úr mörgum áttum.
Þór Þorlákshöfn hafði sömuleiðis góð tök á leiknum gegn Haukum-u. Þór leiddi 28-53 í hálfleik en Haukar náðu að klóra í bakkann í 3. leikhluta. Þórsarar stoppuðu lekann og sigldu heim öruggum sigri í 4. leikhluta, lokatölur 72-90. Shawnteanna Tillman átti stórleik fyrir Þór, skoraði 29 stig og stal 11 boltum.
Að þremur umferðum loknum er Selfoss í 2. sæti deildarinnar með 4 stig og Þór í 4. sæti með jafnmörg stig.
Selfoss-Skallagrímur 93-71 (25-16, 19-16, 20-25, 29-14)
Tölfræði Selfoss: Kennedi Nickelle Watkins 19/6 fráköst/7 stoðsendingar/6 stolnir, Mariana Duran 15/5 fráköst/8 stoðsendingar, Heiður Hallgrímsdóttir 14/9 fráköst, Perla María Karlsdóttir 11, Eva Run Dagsdottir 9, Sigríður Elva Jónsdóttir 7, Anna Katrín Víðisdóttir 7, Valdís Una Guðmannsdóttir 5/4 fráköst, Sigríður Svanhvít Magnúsdóttir 4/5 fráköst, Andrea Líf Gylfadóttir 2.
Haukar u-Þór Þ. 72-90 (18-23, 10-30, 25-15, 19-22)
Tölfræði Þórs: Shawnteanna Tillman 29/7 fráköst/7 stoðsendingar/11 stolnir, Antoaneta Alexe 19, Sigrún Elfa Ágústsdóttir 14/7 fráköst, Jóhanna Ýr Ágústsdóttir 13, Jara Björg Gilbertsdóttir 9/4 fráköst, Thea Ólafía Lucic Jónsdóttir 4, Emilía Ýr Gunnsteinsdóttir 2.