Kvennalið Selfoss og karlalið Hamars töpuðu leikjum sínum í Lengjubikarnum í knattspyrnu í dag.
Selfosskonur léku gegn KR í Egilshöllinni þar sem Eva Lind Elíasdóttir kom Selfyssingum yfir strax á fyrstu mínútu leiksins. KR-ingar jöfnuðu og komust yfir á næstu fimmtán mínútunum og þar við sat.
Valorie O’Brien, Tiana Brockway og Michele Dalton voru allar í byrjunarliði Selfoss en þær komu til landsins nú rétt fyrir helgi.
Í B-deild karla steinlágu Hvergerðingar gegn Aftureldingu, 6-0, en staðan var 2-0 í hálfleik.