Selfoss vann öruggan sigur á Fylki í 1. deild karla í körfubolta í kvöld á meðan Hamar tapaði naumlega gegn Þór Akureyri.
Selfyssingar byrjuðu af krafti á móti Fylki í Vallaskóla og skoruðu 33 stig í 1. leikhluta. Fylkismenn bitu frá sér í 2. leikhluta en Selfoss leiddi í hálfleik, 52-46. Þriðji leikhluti var jafn og spennandi en í þeim fjórða settu Selfyssingar í fluggírinn og stungu af. Lokatölur urðu 107-81. Kristijan Vladovic var stigahæstur Selfyssing með 19 stig en Collin Pryor var framlagshæstur með 9 stig og 17 fráköst.
Hamar mætti Þór á Akureyri í hörkuleik. Jafnræði var með liðunum í fyrri hálfleik en staðan í leikhléi var 39-41, Hamri í vil. Það var allt í járnum lengst af seinni hálfleik en þegar sex mínútur voru eftir af leiknum komust Þórsarar á skrið og þeir tryggðu sér að lokum fimm stiga sigur, 77-72. Franck Kamgain skoraði 17 stig fyrir Hamar en Ryan Peters var framlagshæstur með 14 stig og 11 fráköst.
Selfoss er í 8. sæti deildarinnar með 18 stig en Hamar í 11. sæti með 6 stig.
Selfoss-Fylkir 107-81 (33-20, 19-26, 24-24, 31-11)
Tölfræði Selfoss: Kristijan Vladovic 19/4 fráköst/6 stoðsendingar, Steven Lyles 18, Birkir Máni Sigurðarson 18, Tristan Máni Morthens 16, Halldór Halldórsson 11, Collin Pryor 9/17 fráköst/5 stoðsendingar, Fjölnir Morthens 6, Ari Hrannar Bjarmason 5, Gísli Steinn Hjaltason 3, Sigurður Darri Magnússon 2.
Þór Ak.-Hamar 77-72 (11-16, 28-25, 11-12, 27-19)
Tölfræði Hamars: Franck Kamgain 17/5 fráköst/7 stoðsendingar, Ryan Peters 14/11 fráköst, Isaac Johnson 13/5 fráköst/6 stolnir, Lúkas Aron Stefánsson 8/7 fráköst, Birkir Máni Daðason 7, Björn Ásgeir Ásgeirsson 6, Aron Orri Hilmarsson 3, Jens Klostergaard 2, Atli Rafn Róbertsson 2.