Bikarmeistarar Selfoss mæta Þrótti Reykjavík í 8-liða úrslitum bikarkeppni kvenna í knattspyrnu en dregið var í dag.
Selfoss sló 1. deildarlið KR úr keppni í 16-liða úrslitunum í gærkvöld með 3-0 sigri í Vesturbænum. Selfoss og Þróttur leika bæði í úrvalsdeildinni og mættust einmitt á dögunum, þar sem Selfoss vann 4-3 sigur á útivelli í æsispennandi leik.
Leikirnir í 8-liða úrslitunum fara fram 25. og 26. júní næstkomandi.