Selfoss mun mæta KA í undanúrslitum bikarkeppni karla í handbolta.
Undanúrslitin og úrslitin eru leikin í beit á bikarhelgi á Ásvöllum í Hafnarfirði 9.-13. mars. Í hinum undanúrslitaleiknum mætir Valur Herði, FH eða Þór Ak en vegna COVID-19 og samgönguörðugleika hefur ekki enn tekist að klára leik Harðar og FH í 16-liða úrslitunum.
Leikur Selfoss og KA í undanúrslitunum fer fram fimmtudagskvöldið 10. mars og úrslitaleikur karla fer svo fram laugardaginn 12. mars.
Það er ljóst að það er hörkuleikur framundan í undanúrslitunum en Selfoss og KA eru hnífjöfn í Olísdeildinni með 15 stig í 6.-7. sæti.