Selfoss og ÍR mætast í átta liða úrslitum Coca cola bikars karla í handbolta. Leikurinn verður spilaður á Selfossi í byrjun febrúar en endanlegur tími er ekki kominn á hreint.
Eins og flestir muna þá mættust þessi lið í Laugardalshöllinni í undanúrslitum í fyrra en liðið sem fer með sigur í þessum leik er komið í Höllina, þannig að mikið er í húfi fyrir bæði lið.
ÍR er í 6. sæti í Olís deildinni en Selfoss er núna í þriðja sæti 1. deildarinnar.