Selfoss vann góðan sigur á Fjölni í 1. deild karla í körfubolta í kvöld. Lokatölur í íþróttahúsi Vallaskóla urðu 90-85.
Selfyssingar stýrðu umferðinni í fyrri hálfleik og leiddu í leikhléi, 51-38. Fjölnir byrjaði betur í seinni hálfleik og náði að minnka muninn í 59-54 en þá tóku Selfyssingar við sér aftur. Fjölnismenn svöruðu hins vegar aftur fyrri sig í 4. leikhluta og nálguðust hratt á lokamínútunum en Selfyssingar náðu að halda aftur af þeim og tryggja sér fimm stiga sigur.
Collin Pryor var stigahæstur Selfyssinga með 27 stig og 10 fráköst.
Selfoss er í 8. sæti deildarinnar með 14 stig en Fjölnir er í 6. sæti með 22 stig.
Selfoss-Fjölnir 90-85 (26-18, 25-20, 16-18, 23-29)
Tölfræði Selfoss: Collin Pryor 27/10 fráköst, Steven Lyles 17/5 fráköst, Kristijan Vladovic 15/12 stoðsendingar, Halldór Halldórsson 13/6 fráköst, Tristan Máni Morthens 7, Birkir Máni Sigurðarson 6, Ari Hrannar Bjarmason 5.