Selfoss heimsótti HK í Kórinn í 1. deild kvenna í knattspyrnu í kvöld. Leiknum lauk með 3-2 sigri HK.
HK komst yfir á 24. mínútu og þær tvöfölduðu svo forskot sitt á lokamínútu fyrri hálfleiks. Staðan var 2-0 í leikhléi.
Heimakonur bættu þriðja markinu við þegar tæpar tuttugu mínútur voru liðnar af seinni hálfleiknum. Tveimur mínútum síðar minnkaði Stevie Reynolds muninn og fimmtán mínútum fyrir leikslok skoraði Juliana Paoletti og staðan orðin 3-2. Selfoss reyndi allt hvað af tók að finna jöfnunarmarkið en það tókst ekki og HK fagnaði sigri.
Selfoss er í 6. sæti deildarinnar með 16 stig en HK lyfti sér upp í 3. sætið og er með 20 stig.