Selfoss heldur 8. sætinu

Selfoss náði í mikilvægt stig þegar liðið mætti HK á útivelli í Olís-deild kvenna í handbolta í dag. Lokatölur urðu 25-25 og Selfoss er enn í 8. sætinu sem gefur síðasta farmiðann í úrslitakeppni deildarinnar.

Selfoss náði fjögurra marka forskoti um miðjan fyrri hálfleik, 3-7, en HK náði að jafna fyrir leikhlé, 10-10.

Selfyssingar voru skrefinu á undan í seinni hálfleik en munurinn var aldrei meiri en 1-2 mörk. HK breytti stöðunni úr 23-24 í 25-24 þegar skammt var eftir en Selfoss skoraði síðasta mark leiksins og tryggði sér mikilvægt stig.

Car­men Palam­ariu var markahæst Selfyssinga með 8 mörk, Elena Birg­is­dótt­ir og Perla Ruth Al­berts­dótt­ir skoruðu 4, Hrafn­hild­ur Hanna Þrast­ar­dótt­ir 3, Kristrún Steinþórs­dótt­ir og Þuríður Guðjóns­dótt­ir 2 og þær Hild­ur Öder Ein­ars­dótt­ir og Harpa Sól­veig Brynj­ars­dótt­ir skoruðu sitt markið hvor.