Kvennalið Selfoss tapaði stórt gegn Breiðabliki þegar keppni hófst í Lengjubikarnum í knattspyrnu í dag.
Liðin mættust í Fífunni í Kópavogi í hádeginu og þar urðu lokatölur 6-0. Blikar skoruðu tvö mörk undir lok fyrri hálfleiks og bættu svo við fjórum mörkum í seinni hálfleik.
Dagný Brynjarsdóttir spilaði fyrri hálfleikinn með Selfossliðinu í dag, sinn fyrsta knattspyrnuleik síðan í október 2017. Dagný er á leið til Portland Thorns í bandarísku atvinnumannadeildinni.