Selfoss hefur samið við tvo pólska leikmenn sem munu styrkja lið félagsins í baráttunni í úrvalsdeild kvenna í handbolta.
Þetta eru hægri skyttan Małgorzata Trawczyńska og línumaðurinn Andżelika Petroll.
Trawczyńska er 29 ára gömul örvhent hægri skytta sem leikið hefur með pólsku liðunum Zagłębie Lubin, Piotrcovia og JKS Jarosław. Þá hefur hún einnig spilað í Ungverjalandi við góðan orðstír með liðunum DKKA og Alba Fehérvár.
Petroll er 25 ára gamall línumaður sem leikið hefur með SPR Gdynia og Szczypiorno Kalisz í Póllandi
Báðar komu þær til Íslands fyrir um viku síðan og hafa æft með liðinu frá komu sinni. Þær verða í leikmannahópi Selfoss sem mætir Fram þann 1. október næstkomandi.