Knattspyrnudeild Selfoss hefur samið við bandaríska framherjann Haley Marie Johnson og mun hún leika með liði félagsins í Bestu deildinni út leiktíðina.
Johnson er 23 ára og kemur úr Milwaukee háskóla en eftir útskrift hefur hún leikið með RKC Third Coast í 2. deildinni í Bandaríkjunum.
Í tilkynningu frá Selfyssingum segir að félagið bindi vonir við að Johnson muni bæta sóknarleik liðsins og valda usla í vörn andstæðingsins.
Selfoss hefur keppni á nýjan leik í deildinni næstkomandi laugardag kl. 17, þegar Keflavík kemur í heimsókn.