Selfoss heimsótti Hauka í knatthúsið á Ásvöllum í B-deild deildarbikars kvenna í knattspyrnu í kvöld.
Haukar komust yfir á 30. mínútu og reyndist það eina mark fyrri hálfleiksins.
Staðan var því 1-0 í hálfleik en Haukar bættu við tveimur mörkum á fyrsta korterinu í seinni hálfleik og þar við sat, lokatölur 3-0.
Selfoss er í neðsta sæti B-deildarinnar, án stiga, en Haukar eru í 4. sæti með 3 stig.