Selfoss sigraði Álftanes á útivelli í fyrstu umferð B-deildar Lengjubikars karla í knattspyrnu á Bessastaðavelli í dag.
Álftanes komst yfir í leiknum en Valdimar Jóhannsson jafnaði metin fyrir Selfyssinga. Valdimar var síðan aftur á ferðinni í vítateig Álftanes þegar brotið var á honum og Selfoss fékk vítaspyrnu. Hrvoje Tokic fór á punktinn og skoraði af öryggi.
Staðan var 1-2 í hálfleik og fleiri urðu mörkin ekki í seinni hálfleiknum.
Selfoss hefur 3 stig í riðlinum, eins og ÍR og Elliði, en Selfoss mætir einmitt Elliða um næstu helgi.