Selfoss tók á móti Reyni Sandgerði í B-deild Lengjubikars karla í knattspyrnu á Selfossvelli í kvöld. Eftir hörkuleik í nístingskulda höfðu Selfyssingar 2-0 sigur.
Þrátt fyrir góð færi Selfyssinga var leikurinn var markalaus allt fram á 83. mínútu þegar Aron Fannar Birgisson kom boltanum í netið eftir þunga sókn. Á lokamínútunni tvöfaldaði síðan Dawid Dabrowski forystu Selfyssinga og þar við sat.
Þetta var fyrsti leikurinn í riðli-2 í B-deildinni. Selfoss tekur næst á móti Árbæ að viku liðinni en aðrir mótherjar liðsins í riðlinum eru KFG, Sindri og Víkingur Ólafsvík.