Selfoss átti engin svör í seinni hálfleik

Hákon Garri Gestsson. sunnlenska.is/Guðmundur Karl

Selfoss heimsótti Stjörnuna í Garðabæinn í úrvalsdeild karla í handbolta í kvöld. Eftir jafnan fyrri hálfleik tók Stjarnan öll völd í seinni hálfleik og sigraði 35-30.

Stjarnan skoraði fyrstu fjögur mörk leiksins en eftir það komust Selfyssingar í gang og minnkuðu muninn í 9-8. Stjarnan var áfram skrefinu á undan en Selfoss náði að jafna 14-14 og staðan var 16-15 í hálfleik.

Selfoss jafnaði 16-16 í upphafi seinni hálfleiks en eftir það tók Stjarnan völdin og leiddi allan seinni hálfleikinn. Munurinn varð mestur fimm mörk á lokakaflanum og sigur Garðbæinga var öruggur þegar upp var staðið.

Hákon Garri Gestsson var markahæstur Selfyssinga með 8 mörk, Hannes Höskuldsson skoraði 5/2, Valdimar Örn Ingvarsson 2, Anton Breki Hjaltason og Jónas Karl Gunnlaugsson 3, Sveinn Ísak Hauksson og Tryggvi Sigurberg Traustason 2 og þeir Þorleifur Tryggvi Ólafsson, Dagur Rafn Gíslason og Guðjón Óli Ósvaldsson skoruðu 1 mark hver.

Ísak Kristinn Jónsson varði 6 skot í marki Selfoss og var með 30% markvörslu og Alexander Hrafnkelsson varði sömuleiðis 6 skot og var með 25% markvörslu.

Selfoss er sem fyrr á botni deildarinnar með 1 stig en Stjarnan lyfti sér upp í 8. sætið og er með 8 stig.

Fyrri greinMyndi setja ananas á allar pizzur