Sautján leikmenn handknattleiksdeildar Umf. Selfoss voru á unglingalandsliðsæfingum um páskana, fleiri en frá nokkru öðru félagi.
Þeir Ómar Ingi Magnússon, Sævar Ingi Eiðsson, Árni Guðmundsson og Guðjón Ágústsson æfðu með U16 ára liðinu.
Gísli Þór Axelsson, Jóhann Erlingsson, Sverrir Pálsson, Daníel Arnar Róbertsson og Janus Daði Smárason æfðu með U18 ára liðinu sem undirbýr sig fyrir undankeppni Evrópumótsins sem fram fer í Tyrklandi um miðjan apríl. Janus Daði var einnig valinn í U21 árs landsliðið en hann er aðeins 17 ára gamall, og því þremur árum yngri en flestir leikmenn liðsins.
Þær Hrafnhildur Hanna Þrastardóttir, Thelma Björk Einarsdóttir, Helga Rún Einarsdóttir, Harpa Brynjarsdóttir, Elena Birgisdóttir, Dagmar Öder Einarsdóttir, Katrín Magnúsdóttir og Þuríður Guðjónsdóttir æfa allar með unglingalandsliðum kvenna.