Það gekk á ýmsu þegar Uppsveitir luku leik í 5. deild karla í sumar með heimsókn til KFS í Vestmannaeyjum í dag. Manni færri hálfan leikinn töpuðu Uppsveitamenn 7-4.
KFS komst yfir á 5. mínútu leiksins en Elian Rivas jafnaði metin fyrir KFS á 22. mínútu og hann var svo aftur á ferðinni fimmtán mínútum síðar. Mariusz Baranowski náði að fá tvö gul spjöld og þar með rautt í uppbótartíma fyrri hálfleiks og Eyjamenn fengu vítaspyrnu í kjölfarið sem þeir skoruðu úr, 2-2 í hálfleik.
Vestmannaeyingarnir gerðu svo út um leikinn á fyrstu fimmtán mínútunum í seinni hálfleik þar sem þeir skoruðu þrjú mörk og staðan orðin 5-2. Uppsveitir lögðu ekki árar í bát og Rivas kórónaði þrennuna á 71. mínútu en í kjölfarið fylgdu tvö mörk á stuttum tíma frá KFS, sem breytti stöðunni í 7-3. ÍBU átti þó lokaorðið og Rivas skoraði sitt fjórða mark sjö mínútum fyrir leikslok.
Eftir frábæra byrjun í deildinni í sumar þar sem Uppsveitir unnu fyrstu þrjá leikina tapaði liðið ellefu leikjum í röð eftir það og lauk leik í 7. sæti A-riðils með 9 stig. KFS varð í 6. sætinu með 15 stig.