Rakel Guðjónsdóttir hefur framlengt samning sinn við handknattleiksdeild Selfoss til tveggja ára.
Rakel hefur verið lykilmaður í ungu og efnilegu liði meistaraflokks kvenna í Grill 66 deildinni í vetur. Þar hefur hún meðal annars skorað 53 mörk í 21 leik.
Í tilkynningu frá handknattleiksdeildinni er þessum tíðindum fagnað og sagt ljóst að það verði spennandi að fylgjast með meistaraflokki kvenna í Grill 66 deildinni næstkomandi tímabili.