Ragnarsmótið í handbolta hefst á Selfossi á morgun, þriðjudag, en mótið er nú haldið í 33. skipti.
Auk heimamanna í Selfossi munu ÍBV, Stjarnan, Fram, Haukar og Afturelding taka þátt í mótinu. Leikið er í riðlum fram til föstudags, en úrslitaleikirnir fara svo fram á laugardag.
Á þriðjudag mætast ÍBV og Stjarnan kl. 17:45 og Selfoss tekur á móti Fram kl. 19:45.
Mótið fer fram í Iðu og er frítt inn á alla leiki. Einnig verða útsendingar frá öllum leikjunum á SelfossTV.
Ragnarsmót kvenna hefst svo mánudaginn 23. ágúst og stendur yfir til 27. ágúst. Þar spila Selfoss, Afturelding, HK og Grótta.