Ragnarsmótið hefst í dag

Hið árlega Ragnarsmót í handbolta hefst í íþróttahúsi Vallaskóla á Selfossi í kvöld. Mótið er það 23. í röðinni en fimm lið taka þátt ásamt gestgjöfunum í liði Selfoss.

Að venju verður mótið sterkt í ár. Nýliðar ÍR mæta til leiks með sterkt lið og gaman verður að sjá uppalda leikmenn sem snúið hafa aftur heim í Breiðholtið. Mosfellingar hafa einnig safnað liði og ættu að vera með sterkara lið en undanfarin ár.

Framarar mæta einnig til leiks og með talsvert breytt lið frá leiktíðinni áður. Svo má ekki gleyma stórveldunum FH og Val. Það síðarnefnda er með engan annan en Patrek Jóhannesson sem nýjan þjálfara að Hlíðarenda.

Því miður komust sigurvegararnir frá því í fyrra ekki í mótið en HK er að taka þátt í forkeppni fyrir meistaradeildina á sama tíma.

Í A-riðli eru ÍR, Valur og Afturelding en í B-riðli eru Selfoss, Fram og FH.

Leikjaniðurröðun mótssins:

Miðvikudagur 5. sept:
ÍR – Valur kl. 18:30
Fram – FH kl. 20:00

Fimmtudagur 6. sept:
Fram – Selfoss kl. 18:30
Valur – UMFA kl. 20:00

Föstudagur 7. sept:
Selfoss – FH kl. 18:30
ÍR – UMFA kl. 20:00

Laugardagur 8. sept:
Leikur um 5. sæti kl. 12:00
Leikur um 3. sæti kl. 14:00
Leikur um 1. sæti kl. 16:00