Selfoss 2 tók á móti Fram 2 í 1. deild karla í handbolta í Set-höllinni Iðu í kvöld. Eftir hörkuleik náðu Selfyssingar að knýja fram fjögurra marka sigur, 37-33.
Selfyssingar voru skrefi framar allan fyrri hálfleikinn en Framarar voru aldrei langt undan. Staðan var 17-15 í hálfleik.
Seinni hálfleikurinn var spennandi lengst af. Selfoss leiddi með einu til tveimur mörkum en Framarar náðu þrisvar að jafna metin.
Það var ekki fyrr en á síðustu fimm mínútum leiksins að Selfyssingar náðu að skora þrjú mörk í röð og koma sér í fjögurra marka forystu. Þar með var björninn unninn og Selfoss fagnaði góðum sigri.
Ragnar Hilmarsson var markahæstur Selfyssinga með 15 mörk, Aron Leo Guðmyndsson skoraði 6, Skarphéðinn Steinn Sveinsson og Bartosz Galeski 4, Dagur Rafn Gíslason og Hilmar Bjarni Ásgeirsson 3 og þeir Dagbjartur Máni Björnsson og Bjarni Valur Bjarnason skoruðu 1 mark hvor.
Ísak Kristinn Jónsson varði 16 skot í marki Selfoss.
Selfoss 2 er í 7. sæti deildairnnar með 16 stig en Fram 2 er í 9. sæti með 12 stig.