Ragnar kosinn í byrjunarliðið

KKÍ og einfalt.is stóðu fyrir netkosningu í desember á byrjunarliðum karla og kvenna fyrir Stjörnuleikina 2014, en Stjörnuleikshátíð KKÍ fer fram 25. janúar í Schenkerhöllinni að Ásvöllum.

Nú er kosningunni lokið en rúmlega 3.000 mismunandi einstaklingar kusu og völdu sín lið og komið er í ljós hvaða leikmenn íslenskir körfuboltaaðdáendur kusu oftast.

Einn sunnlenskur leikmaður náði kosningu í byrjunarlið Domino’s-liðsins í stjörnuleik karla, Þórsarinn Ragnar Nathanaelsson sem fékk 330 atkvæði.

Að venju verður mikið um dýrðir á Stjörnuleikshátíðinni en 3ja-stiga skotkeppnir verða á sínum stað sem og troðslukeppnin.

Þjálfarar liðanna eru þeir þjálfarar í Domino’s deildum karla og kvenna sem voru efstir um áramótin sem eru þeir Finnur Freyr Stefánsson, KR og Andy Johnston, Keflavík hjá körlunum. Hjá konum eru það þeir Ingi Þór Steinþórson, Snæfell, og Andy hjá Keflavík sem þjálfa. Þjálfarar liðanna munu nú velja sína sjö leikmenn hver til að fylla liðin.

Byrjunarlið Stjörnuleiks kvenna:

Icelandair-liðið
Þjálfari Andy Johnston, Keflavík.
Lið: (Keflavík, Grindavík, KR, Haukar)

Leikmenn:
Lele Hardy, Haukar · 332 atkvæði
Sara Rún Hinriksdóttir, Keflavík · 187 atkvæði
Bryndís Guðmundsdóttir, Keflavík · 176 atkvæði
Sigrún Sjöfn Ámundadóttir, KR · 155 atkvæði
María Ben Erlingsdóttir, Grindavík · 144 atkvæði

Domino’s-liðið
Þjálfari Ingi Þór Steinþórsson, Snæfell
Lið: (Snæfell, Valur, Hamar, Njarðvík)

Leikmenn:
Hildur Sigurðardóttir, Snæfell · 269 atkvæði
Chynna Unique Brown, Snæfell · 180 atkvæði
Hildur Björg Kjartansdóttir, Snæfell · 177 atkvæði
Kristrún Sigurjónsdóttir, Valur · 133 atkvæði
Guðrún Gróa Þorsteinsdóttir, Snæfell · 122 atkvæði

Byrjunarlið Stjörnuleiks karla:

Icelandair-liðið
Þjálfari Andy Johnston, Keflavík.
Lið: (Keflavík, Njarðvík, Stjarnan, Snæfell, Valur, Skallagrímur)

Leikmenn:
Elvar Már Friðriksson, Njarðvík · 594 atkvæði
Michael Craion, Keflavík · 421 atkvæði
Logi Gunnarsson, Njarðvík · 374 atkvæði
Justin Shouse, Stjarnan · 323 atkvæði
Jón Ólafur Jónsson, Snæfell · 294 atkvæði

Domino’s-liðið
Þjálfari Finnur Freyr Stefánsson, KR
Lið: (KR, Grindavík, Haukar, Þór Þ., ÍR, KFÍ)

Leikmenn:
Martin Hermannson, KR · 513 atkvæði
Pavel Ermolinskij, KR · 496 atkvæði
Ragnar Ágúst Nathanaelsson, Þór Þorlákshöfn · 330 atkvæði
Terrence Watson, Haukar · 256 atkvæði
Sigurður Gunnar Þorsteinsson, Grindavík · 215 atkvæði