Ragnar íþróttamaður Hamars

Körfuknattleiksmaðurinn Ragnar Ágúst Nathanaelsson er íþróttamaður Hamars 2013 en kjörið var kunngjört á aðalfundi félagsins sem haldinn var í gær.

Á aðalfundinum voru einnig heiðraðir þeir íþróttamenn deilda sem þóttu skara fram úr á árinu 2013. Það voru, auk Ragnars, þau Hrefna Ósk Jónsdóttir, badminton, Ásdís Linda Sverrisdóttir, blak, Kolbrún Marín Wolfram, fimleikar, Björn Metúsalem Aðalsteinsson, knattspyrna, Dagbjartur Kristjánsson, sund og Jón Gísli Guðlaugsson, skokkhópur.

Aðalfundarstörf gengu vel fyrir sig og reikningar félagsins samþykktir samhljóða. Í stjórn voru kjörin Hjalti Helgason, Valdimar Hafsteinsson, Erla Pálmadóttir, Friðrik Sigurbjörnsson og Álfhildur Þorsteinsdóttir sem kom ný inn í stað Halls Hróarsonar. Hallur gaf ekki kost á sér áfram en honum voru þökkuð góð störf fyrir félagið.