Uppsveitir heimsóttu Álafoss í Mosfellsbæinn í C-deild Lengjubikars karla í knattspyrnu í dag.
Álafoss komst yfir á 11. mínútu en Pétur Geir Ómarsson jafnaði fyrir Uppsveitir átta mínútum síðar en Pétur var að spila sinn 100. leik fyrir Uppsveitir í dag. Álafossmenn voru fljótir að svara fyrir sig, þeir komust aftur yfir á 21. mínútu og staðan var 2-1 í hálfleik.
Seinni hálfleikurinn var einstefna af hálfu Álafoss, þeir röðuðu inn mörkum með reglulegu millibili, án þess að Uppsveitamenn gætu svarað fyrir sig og lokatölur leiksins urðu 7-1.
Næsti leikur Uppsveita er gegn Kríu á Selfossvelli að viku liðinni.