Selfyssingar eru komnir í 16-liða úrslit í bikarkeppni kvenna í knattspyrnu eftir endurkomusigur gegn Haukum á Selfossvelli í dag.
Haukar komust yfir á 33. mínútu en JJ Paoletti jafnaði metin fyrir Selfoss mínútu fyrir hálfleik.
Seinni hálfleikur var markalaus allt fram á 75. mínútu en þá var Paoletti mætt aftur upp við mark gestanna og skoraði sigurmarkið. Lokatölur 2-1.
Þegar dregið verður í 16-liða úrslitin verða liðin í Bestu deildinni í pottinum ásamt Selfossi, Fylki, ÍA, Tindastól, FHL og Keflavík.