Ægismenn eru komnir með annan fótinn niður í 2. deild eftir 3-2 tap gegn ÍR í 1. deild karla í knattspyrnu í kvöld.
Leikurinn var sannkallaður sex stiga leikur, bæði lið í fallbaráttu, en með tapinu er útlitið orðið svart hjá Ægi sem eru með 8 stig á botni deildarinnar þegar fimm leikir eru eftir.
ÍR hafði yfirhöndina stærstan hluta leiksins í kvöld. Þeir komust yfir á 15. mínútu og staðan var 1-0 í hálfleik. Ægismenn voru fyrri til að skora í seinni hálfleik en Harley Willard gerði glæsilegt mark á 51. mínútu og jafnaði 1-1.
Heimamenn hertu tökin eftir það og skoruðu tvívegis um miðjan seinni hálfleikinn. Alfredo Sanabria átti hins vegar lokaorðið í kvöld, hann minnkaði muninn í 3-2 þegar sjö mínútur voru eftir og þar við sat.