KFR tapaði nokkuð óvænt gegn Smára í C-úrslitum 2. deildar kvenna í knattspyrnu þegar liðin mættust í Egilshöllinni í kvöld.
Karen Hidalgo kom KFR yfir á 15. mínútu en Smárakonur svöruðu tvívegis fyrir sig á síðasta korterinu í fyrri hálfleik og staðan var 2-1 í leikhléi.
Smári fékk vítaspyrnu á 2. mínútu seinni hálfleiks og komst þá í 3-1 og þannig stóðu leikar allt fram á 67. mínútu að Hildur Vala Smáradóttir minnkaði muninn fyrir KFR með glæsilegu marki. Smári átti hins vegar lokaorðið, þær komust í 4-2 á 76. mínútu og þær urðu lokatölur leiksins.
Staðan í C-úrslitunum er þannig að KFR er í 2. sæti með 14 stig en Smári er í 4. sæti með 4 stig en þetta var fyrsti sigur liðsins í sumar.