Óskar Pálsson var endurkjörinn formaður Golfklúbbsins Hellu á aðalfundi félagsins sem haldinn var í vikunni.
Óskar er að fara inn í sitt tuttugasta starfsár sem formaður. Breytingar urðu í varastjórn þar sem Loftur Þór Pétursson gaf ekki kost á sér og inn í hans stað kom Friðrik Sölvi Þórarinsson. Aðrar nefndir eru óbreyttar.
Auk Óskars eru í stjórninni Einar Long, varaformaður, Katrín Björg Aðalsteinsdóttir, gjaldkeri, Bjarni Jóhannsson, ritari og Guðný Rósa Tómasdóttir, meðstjórnandi. Varamenn eru Friðrik Sölvi og Guðlaugur Karl Skúlason.
Tvenn verðlaun voru veitt á fundinum. Framfaraverðlaun hlaut Ása Margrét Jónsdóttir og háttvísibikarinn hlaut Guðný Rósa Tómasdóttir.