KFR vann öruggan sigur þegar liðið heimsótti Álftanes í C-úrslitum 2. deildar kvenna í knattspyrnu í dag. Lokatölur urðu 0-4.
Freyja Magnúsdóttir kom KFR yfir á 12. mínútu og Carla Martinez tvöfaldaði svo forskotið þegar hún smellti boltanum í skeytin inn úr aukaspyrnu í uppbótartíma fyrri hálfleiks.
Seinni hálfleikurinn var í járnum framan af en eftirleikurinn var auðveldur fyrir KFR þegar leikmaður Álftaness fékk að líta rauða spjaldið á 75. mínútu. KFR skoraði tvö mörk í kjölfarið, Martinez setti hann aftur úr aukaspyrnu og seinna markið var sjálfsmark og KFR vann öruggan sigur.
Staðan í C-úrslitunum er þannig að ÍR og KFR eru efst með 14 stig, Álftanes hefur 5 stig og Smári 1.