Örn Þrastarson hefur verið ráðinn þjálfari karlaliðs Selfoss í handbolta. Örn er Selfyssingum að góðu kunnur en hann er fyrrum leikmaður félagsins og síðustu 20 ár hefur hann þjálfað hjá deildinni.
Hann hefur þjálfað meistaraflokk kvenna, U-lið karla, 3. flokk karla og kvenna ásamt mörgum yngri flokkum. Síðustu ár hefur Örn einnig starfað sem íþróttastjóri deildarinnar.
„Ég er mjög spenntur að takast á við þetta spennandi verkefni. Ég tek við góðu búi frá Carlosi en ég hinsvegar þekki þessa stráka vel, veit hvað í þeim býr og er fullviss um að þeir eigi mörg skref inni og það séu bjartir tímar framundan,“ sagði Örn Þrastarson við undirritun samnings.