Fyrsti fundur nýkjörinnar framkvæmdastjórnar Íþrótta- og Ólympíusambands Íslands var haldinn síðastliðinn þriðjudag í höfuðstöðvum ÍSÍ.
Á fundinum samþykkti stjórnin skipan í embætti framkvæmdastjórnar. Þórey Edda Elísdóttir verður áfram 1. varaforseti, Selfyssingurinn Olga Bjarnadóttir verður nýr 2. varaforseti og Hörður Þorsteinsson nýr gjaldkeri.
Þau þrjú ásamt forseta ÍSÍ skipa framkvæmdaráð ÍSÍ og er það nú í fyrsta skipti skipað tveimur konum og tveimur körlum.