Óðinn Magnússon, Skotíþróttafélaginu Skyttum, varði um helgina Íslandsmeistaratitil sinn í 50 m riffilskotfimi í drengjaflokki á Íslandsmeistaramótinu sem fram fór í Digranesi í Kópavogi.
Hann skaut 566,8 stig á mótinu og tryggði sér þar með Íslandsmeistaratitilinn í 50 m liggjandi riffli drengja annað árið í röð. Þetta er góður árangur hjá Óðni sem byrjaði að keppa fyrir aðeins rúmu ári í 50 m liggjandi riffli.
Hann var eini keppandinn af sambandssvæði HSK sem tók þátt á mótinu.
