Nökkvi Dan Elliðason hefur gert eins og hálfs árs samning við handknattleiksdeild Selfoss.
Nökkvi, sem er uppalinn Eyjamaður, kemur frá norska úrvalsdeildarliðinu Arendal. Hann er 21 árs gamall miðjumaður en getur leyst allar stöður fyrir utan.
Í tilkynningu frá handknattleiksdeild Selfoss segir að þar á bæ séu menn feykilega ánægðir með komu Nökkva og mun hann verða góð styrking við hóp meistaraflokks karla sem er í toppbaráttunni í Olísdeildinni.