Uppsveitir tóku á móti Skallagrím í 5. deild karla í knattspyrnu á Laugarvatni í dag. Lokatölur urðu 1-6 og Uppsveitir hafa því tapað níu leikjum í röð í deildinni.
Elian Rivas kom Uppsveitum yfir strax á 4. mínútu en Skallagrímur svaraði fyrir sig með tveimur mörkum í kjölfarið.
Staðan var 1-2 í hálfleik en Skallagrímur gerði út um leikinn með fjórum mörkum á fyrstu tuttugu mínútum seinni hálfleiks. Staðan var því orðin 1-6 á stuttum tíma og þær urðu lokatölur leiksins.
Uppsveitir eru í 7. sæti A-riðils 5. deildarinnar með 9 stig en Skallagrímur tyllti sér í toppsætið með sigrinum og er með 32 stig.