Selfyssingurinn Andri Már Óskarsson gerði sér lítið fyrir og setti HSK-met í 10 kílómetra götuhlaupi í Stúdíó Sport hlaupinu, sem fram fór á Selfossi þann 1. maí síðastliðinn.
Andri Már er níu ára gamall og verður tíu ára í september. Hann hljóp 10 km á 47,52 mín sem er héraðsmet í flokki 11 ára stráka.
Fyrra metið átti Friðrik Smárason Umf. Laugdæla, 54,06 mín, sett í Reykjavíkurmaraþoninu árið 2019.
