Selfoss tapaði mikiilvægum stigum í toppbaráttu 2. deildar karla í knattspyrnu í dag þegar liðið tapaði 2-0 gegn Vestra á Ísafirði.
Vestri var sterkari aðilinn stærstan hluta leiksins en fyrri hálfleikur var markalaus. Vestramenn komust yfir þegar fimm mínútur voru liðnar af seinni hálfleiknum og þeir bættu svo við öðru marki á 74. mínútu.
Með sigrinum fór Vestri uppfyrir Selfoss í 2. sætið með 24 stig. Selfoss er í 3. sæti með 23 stig og leikur næst gegn ÍR á heimavelli á miðvikudagskvöld.