KFR heimsótti Dalvík/Reyni í 2. deild kvenna á Dalvíkurvöll í dag. Heimakonur reyndust sterkari og sigruðu 4-1.
Dalvík/Reynir komst yfir á 16. mínútu og þær tvöfölduðu forskotið tíu mínútum síðar. Staðan var 2-0 í hálfleik.
Heimaliðið gerði síðan nánast út um leikinn með þriðja markinu á upphafsmínútum seinni hálfleiks. Staðan var 3-0 allt fram á 86. mínútu að Carla Martínez minnkaði muninn fyrir KFR með sögulegu marki, fyrsta marki kvennaliðs KFR á Íslandsmótinu.
Það var hins vegar Dalvík/Reynir sem átti síðasta orðið og fjórða mark þeirra leit dagsins ljós í uppbótartímanum.
KFR situr á botni deildarinnar án stiga en Dalvík/Reynir er í 7. sæti með 4 stig.