Uppsveitir heimsóttu Skautafélag Reykjavíkur í 5. deild karla í knattspyrnu í dag í Laugardalinn. SR var sterkara á svellinu og sigraði 6-1.
SR braut ísinn á 15. mínútu og raðaði inn fjórum mörkum í kjölfarið á stuttum tíma. Magnús Skúli Kjartansson rétti hlut Uppsveitamanna á lokamínútu fyrri hálfleiks og staðan var 5-1 í leikhléi.
Það var talsvert minna fjör í seinni hálfleiknum, SR bætti við einu marki um hann miðjan og lokatölur urðu 6-1.
Uppsveitir eru í 7. sæti A-riðilsins með 9 stig en SR er í 3. sæti með 26 stig.