Lúðvík Ólason er nýr formaður handknattleiksdeildar Umf. Selfoss en aðalfundur deildarinnar var haldinn í síðustu viku í félagsheimilinu Tíbrá.
Lúðvík tekur við embættinu af Þorsteini Rúnari Ásgeirssyni, sem situr áfram í stjórninni sem gjaldkeri.
Með þeim í stjórninni eru Magnús Matthíasson, ritari, Tinna Soffía Traustadóttir, Jón Birgir Guðmundsson, Grímur Hergeirsson og Gunnar Jón Yngvason.