Sænska handboltagoðsögnin Ljubomir Vranjes kom í heimsókn á Selfoss í síðustu viku og leit við á æfingu hjá 4. flokki karla í Set-höllinni.
Vranjes kom til landsins til að fylgjast með úrslitahelgi bikarkeppninnar. Þá nýtti hann einnig tímann til þess að kynna sér yngriflokka starf handknattsleiksdeildar Selfoss en athygli hefur vakið hversu margir Selfyssingar leika með landsliðinu og í atvinnumennsku og hefur hróður félagsins farið víða.
Vranjes, sem er nú starfandi íþróttastjóri SG Flensburg í Þýskalandi, hefur komið víða við. Hann lék m.a. með Granollers á Spáni og Nordhorn í Þýskalandi, hann lauk ferlinum með Flensburg og tók við sem þjálfari liðsins að leikmannaferlinum loknum. Þá hefur hann einnig þjálfað m.a. lið á borð við Vezprém, Kristianstad, ungverska og slóvenska landsliðið. Hann á að baki 164 landsleiki fyrir Svíþjóð og skoraði í þeim 451 mark. Þá varð hann heimsmeistari og Evrópumeistari í þrígang með Svíþjóð, auk þess að hafa unnið silfurverðlaun á Ólympíuleiknum í Sydney árið 2000.
Strákarnir í 4. flokk stóðu sig vel á æfingunni og Vranjes fékk mynd af sér með stórstjörnum framtíðarinnar í lok æfingar.