Lífland hefur gert samstarfssamning við Knattspyrnufélag Árborgar. Með undirritun samningsins mun Lífland styðja við það blómlega starf sem knattspyrnufélagið heldur úti.
Heimaleikir liðsins á Selfossi verða næstu tvö árin í boði Líflands og munu báðir aðilar leitast eftir að gera samstarfið sem árangursríkast á allan hátt.
Lífland opnaði síðastliðið haust verslun á Selfossi sem fengið hefur góðar viðtökur bæjarbúa og íbúa í nærsveitum. Starfsemi Líflands lýtur að margþættri þjónustu og vörum tengdum hestaíþróttum, landbúnaði, dýrahaldi, matvælaiðnaði og útivist. Verslanir Líflands eru á sex stöðum á landinu þar sem lögð er áhersla á að koma til móts við nærsamfélagið á hverjum stað með fjölbreyttum hætti.